E haatiàtohu nei te Haè tuhuka èo ènana i te patuhei o te ponatū ME I. Mēìa ua patu te tau tuhuka hāoè huihui i te èo ènana i òto o ta âtou tau hāmani « MEI », i mōhani ai te ènana i te patu i hua ponatū atii.

Pēhea te patu ? MEI, akoè à ME I ?

I - Te pona MEI

Mea puàha te haaviviniìa i te pona MEI.

Te MEI, e puku kai o te tumumei. I te kēkē Hiva Òa, e peàuìa MEÌ.

*- Ua hee mātou i te MEI òu no te kānea mā.

MEI, akoè à MEI NUI : te ikoa o te meàma paoìa o te èhua. E ava tapavaù, nui te MEI.

*- Paotū te èhua, e haììa te Koìka Pō i te pō 25 no MEI.

II - Te ponatū ME I

E haahanaìa te ponatū ME I i òto o te papaìa tekao.

A) - No te hakaìte i te TATAÈKAÌA :

1) - ME I + haahana

* - Me i topa te pāriri io he kaavai

Haaviviniìa : TATA ÈKA te topa o te pāriri... mea à, aî topa.

2) - ME I + ikoatū + ME IA + ponatū i te ava

*- Me i te motua, me i te tama, me ia Tāhia, me ia ù, ua hemo i tēnei mamae Kovi 19

Haaviviniìa : TATA ÈKA tūtahi te motua, te tama, Tāhia me au, ua koàna i te mamae Kovi.

4) - ME I + ponatū vahi

*- Me i hea mai òe ? Me io he haè hoko.

5) - ME IO + haapī vahi

*- Ua taki au i te tau māmaì me i òto o te tiha.

Haaviviniìa : te TATA ÈKA o te vahi me i èià mai : te haèhoko, te tiha.

III - Te ponatū ME : no te hakakite i te TATAÈKAÌA PIPII

1) - ME + ikoatū ènana

*- Ua tihe Mata me Ūatahi i nenahi.

2) - ME + te hoa pii

*- Ua tihe Tāhia me te tama a te mūtoi.

3) - ME + haìna i mauìa

*- Ua tihe mai ta ù moî me ta īa hākoko haìna.

4) - ME TE + tīàva

*- A humu te ihovare me te tōuà.

5) - ME HE + hakatu

*- Ua kata teâ ènana me he kōea.

6) - ME HE MEA+ E + haahana tū hakatu anoa.

*- Me he mea e vavaò mai òe, e tihe atu au.

A pīòmi i înei no te tatau i te tekao ma he èo farani.